Сайна уу Зочин!,   Нэвтрэх   Бүртгүүлэх
Монгол English
Нүүр хуудас | Түгээмэл асуултууд | Сайтын бүтэц | Холбоо барих

Мэдээ мэдээлэл

Цалин, тэтгэврийн нэмэгдэлд 103 тэрбум төгрөг төсөвлөхөөр боллоо

Хөдөлмөр, нийгмийн зөвшлийн гурван талт 2015-2016 оны улсын  хэлэлцээ өнөөдөр 19.00 цагийн үед баталж, талуудын төлөөлөгчид гарын үсэг зурснаар хүчин төгөлдөр боллоо. Уг хэлэлцээнд нийт 53 санал тусгаснаас цалин хөлс, тэтгэвэр, тэтгэмжийг нэмэгдүүлэх МҮЭ-ийн холбооны санал дээр тогтож ярилцсан юм. Засгийн газрын зүгээс УИХ, намуудын бүлгүүдтэй ярилцсаны үндсэн дээр 2015 онд Төрийн албан хаагчдын цалин хөлс, нийгмийн даатгалын шимтгэлийн зардалд 90 тэрбум төгрөг, тэтгэвэр нэмэгдүүлэхэд улсын төсвөөс нийгмийн даатгалын санд олгох татаасыг 13 тэрбум төгрөгөөр нэмэгдүүлэх саналтай орж ирсэн. Энэхүү 103 тэрбумыг 2015 оны төсвийн тодотголд тусган УИХ-аар шийдвэрлүүлнэ. Ингэхдээ Төрийн албан хаагчдын цалинг үе шаттайгаар нэмэгдүүлэх хувь хэмжээ, хэрэгжүүлэх хугацааг салбарын яамд, үйлдвэрчний салбарын холбоодтой тухай бүр зөвшилцөж шийдвэрлэхээр боллоо. Энэ үеэр МҮЭХ-ны Ерөнхийлөгч Х.Амгаланбаатар хэлэхдээ,

-Цалин хөлс, тэтгэврийг нэмэгдүүлэх чиглэлээр МҮЭ-ийн холбооноос санал болгосон 60-аас доошгүй хувиар нэмэгдүүлэх шаардлага нь иргэдийн авч буй цалин, бодит худалдан авах чадварт тулгуурласан тооцоо. Энэ нь улс орны эдийн засгийн байдал, төсвийн бүрдэлтийг харгалзахгүйгээр тавьсан тоо биш. Гэхдээ Засгийн газрын зүгээс тодорхой хувилбар гаргаж, орлогын эх үүсвэрийг УИХ, намуудын бүлгүүдэд ярилцаж бий болгосон цалингийн нэмэгдэлд  90 тэрбум, тэтгэвэр, тэтгэмжийн нэмэгдэлд 13 тэрбум төгрөг төсөвлөж байгаа нь бидний санасан хэмжээнд хүрэхгүй байна. Энэ бол “Хөнжлийнхөө хэрээр хөлөө жийж” байгаа хэлбэр. Гэхдээ 103 тэрбум төгрөгөөр хязгаарлагдаж байгаа юм биш. Орлогыг нэмэгдүүлэх бусад бололцоог энэ хэлэлцээрээр бий болголоо.

Тухайлбал, Хүн амын орлогын албан татварын хөнгөлөлтийн босгыг өндөр болгож байна. Хууль эрхзүйн орчин нь бүрдэхээр хөдөлмөрийн хөлсний доод хэмжээнээс доогуур цалин хөлс авч байгаа хүнд хөнгөлөлт үзүүлнэ гэсэн үг. Бодит худалдан авах чадварыг нэмэгдүүлэх чиглэлээр Цалин, тэтгэврийг индексжүүлэх тухай хууль, Үнэ бүрдэлтийн тухай хуулийг ойрын үед Засгийн газраас боловсруулж, УИХ-ын тухай хуульд оруулж батлуулна гэдэгт талууд тохиролцлоо гэв.  Хэлэлцээрээ баталгаажуулсны дараа Улс орны тогтвортой байдлыг хангах, иргэдийн ажлын байрыг хадгалах, орлого нэмэгдүүлэх чиглэлээр үйлдсэн Санамж бичигт талууд гарын үсэг зурлаа. Дээрх 103 тэрбум төгрөгийн эх үүсвэрийг газрын тосны үйл ажиллагаанаас олохоор тооцсон байна.    

Боловсролын салбарт нийгмийн түншлэлийг хөгжүүлэх нь уулзалт

МБУШ-ны ҮЭ-ийн Холбооноос 2015 оны 1-р сарын 10ны өдөр “Боловсролын салбарт нийгмийн түншлэлийг хөгжүүлэх нь” сэдэвт уулзалт- ярилцлагыг МҮЭ-ийн Соёлын төв ордоны хурлын заланд зохион байгуулав.

Уулзалт-ярилцлаганд  БСШУ-ны Яамны дэд сайд Б.Тулга, яамны төрийн захиргаа удирдлагын газрын дарга Л.Цэдэвсүрэн, яамны стратегийн бодлого төлөвлөлтийн  газрын дарга Б.Насанбаяр, МҮЭ-ийн холбооны дэд ерөнхийлөгч С.Эрдэнэбат нар уригдан оролцлоо.

МБШУ-ны ҮЭ-ийн холбооны дарга Ж.Батзориг  уулзалт-ярилцлагыг нээж хэлсэн үгэндээ Хөдөлмөр, нийгмийн зөвшлийн гурван талт 2015-2016 оны улсын хэлэлцээр эхэлсэн хэдий ч 2015 онд цалин, тэтгэвэр тэтгэмжийг огт нэмэгдүүлэхгүй байх, нийгмийн хамгааллын зарим зардлуудыг танах тухай Засгийн газрын байр суурийг эсэргүүцэн жагссан жагсаалын талаарх мэдээллийг гишүүдэд хүргэж  Монгол Улсын ерөнхий сайд Ч.Сайханбилэгт хүргүүлсэн шаардлагыг уншиж танилцуулав.

           Уулзалт-ярилцлаганд  оролцсон гишүүд тулгамдаад байгаа асуудлын талаар яамны

          баримталж буй байр суурийг тодруулж засгийн газраас нааштай арга хэмжээ авч

          ажиллахгүй тохиолдолд тэмцлийн арга хэмжээгээ үргэлжлүүлэхээ мэдэгдлээ.

 

2015 оны 1 дүгээр сарын 10-ны өдрийн 14:00 цагт боловсролын салбарын багш, ажилтнууд

Боловсрол, Соёл, Шинжлэх ухааны сайд мэргэжилтэнүүдтэй уулзалт зохион байгуулна.

Хэрэглэгчийн булан

Хэрэглэгчийн нэр
Нууц үг
Бүртгүүлэх

Уралдаан зарлагдлаа

Зургийн цомог

Санал асуулга

Боловсролын салбарын ажилчдын цалин хөлсийг нэмэгдүүлэхийг дэмжиж байна уу?
Үр дүнг харуулах